Go leat oahpahallan dán davvisámegielat hygieniijapássa materiála ja bargan hárjehusaid, de sáhtát oassálastit hygeniijapássatestii. Go leat čađahan teastta, oaččot hygeniijapássa, mainna
 čájehat ahte hálddašat borramušgálvvuid gieđahallama rivttes vuogi mielde. Dárbbašat hygieniijapássa bargguin, main gárttat dahkamušaide borramušgálvvuiguin.

Evira siidduin gávnnat lagamuš testenbáikki oktavuođadieđuid. Juos háliidat čađahit teastta sámegillii, gánneha áiggil váldit oktavuođa testejeaddjái ja almmuhit, ahte háliidat čađahit 
dutkosa sámegillii.

Dieđuid hygieniijapássa dutkosa ordnejeaddjiin gávnnat Evira siidduin čujuhusas: http://www.palvelu.fi/evi/testerlist.php?lang=1

Dieđuid hygieniijapássaiskosiin oaččut maiddái Sámi oahpahusguovddážis Anáris
 

Juos leat eahpesihkar das, galggatgo háhkat alccet hygieniijapássa, loga lasi EVIRA suomagielat siidduin.

Juos dus leat juoga sávaldagat dahje kritihkka dán materiálas, váldde oktavuođa Suoma sámedikki skuvlen- ja oahppamateriáladoaimmahahkii.